有些人去到那裡，都要成為那裡的「Focus」，總之極樂與極壞，都一定要關佢事，個個都要望住佢！這些人對我o黎講是一種能量消耗，所以我通常會避開佢o地，但現今世界，資訊發達到咁，想避都避得咁多！咁唯有接受，接受他們的存在，當是一種訓練！
朋友常說我是「紙獅子」，獅子座的我，卻害怕出風頭，當然會有人自認挑通眼眉，覺得我無自信，所以咪唔敢做「Focus」！或許他們的看法是正確，但我一直認為自己是好「獅子座」的，只不過我認為「OUT FOCUS 就是所有FOCUS所在」
由細到大，看不清的東西對我最吸引，因為它夠神秘，又保留適當的想像力，還有由於它被忽略，自然地會關注它多一點，而最重要它不是來勢兇兇， 無架子易相處，最重要的是它不會讓你感疲倦！或許你並不認同，但我都幾十歲，剛剛知自己大概係MATT！所以唔好再叫我學習人家如何去到邊，邊到都係Focus，你俾我out focus啦！你俾我歐埋個下半生去啦！你愛我，我歐你都一樣睇到！
